Alvotech birtir árshlutauppgjör fyrstu níu mánaða ársins 2026

REYKJAVÍK (11. NÓVEMBER 2026) Alvotech (NASDAQ: ALVO, ALVO-SDB) birtir í dag uppgjör fyrstu níu mánaða ársins 2026. Stjórnendur félagsins kynna uppgjörið á fundi sem sendur verðu út í beinu streymi og hefst kl. 13, fimmtudaginn 12. nóvember nk. Nánari upplýsingar, glærukynningu og skráningarsíðu fyrir uppgjörsfundinn er að finna á vefsíðu félagsins: https://www.alvotech.com/is/financials.

Helstu niðurstöður árshlutareiknings fyrstu níu mánaða ársins ¹

• Aðlagaðar heildartekjur¹ voru 323,4 milljónir dollara, en 420,0 milljónir dollara á sama tímabili í fyrra.
• Framlegð af heildartekjum¹ var 54%, en 59% á sama tímabili í fyrra.
• Aðlöguð EBITDA¹ (rekstrarhagnaður fyrir skatta, afskriftir og fjármagnsliði) nam 78,3 milljónum dollara, en 68,0 milljónum dollara á sama tímabili í fyrra.
• Sjóðsstaða í lok tímabilsins var 61,5 milljónir dollara, en 172,4 milljónir dollara í árslok 2025.

Helstu áfangar í rekstrinum

• Matvæla- og lyfjastofnun Bandaríkjanna (FDA) tók til afgreiðslu umsókn Alvotech um markaðsleyfi í Bandaríkjunum fyrir AVT80, hliðstæðu við Entyvio (vedolizumab) í áfylltri sprautu og lyfjapenna. Teva hefur tryggt sér réttindin til markaðssetningar hliðstæðunnar í Bandaríkjunum.
• Alvotech og Advanz Pharma, lögðu inn til afgreiðslu hjá Evrópsku lyfjastofnuninni fyrstu umsókn um markaðsleyfi í heiminum fyrir hliðstæðu við Eylea HD (aflibercept 8 mg). Advanz Pharma markaðssetur þegar hliðstæðu Alvotech við Eylea (aflibercept 2 mg) í Evrópu undir heitinu Mynzepli.
• Alvotech samdi við Lotus Pharmaceuticals um réttinn til markaðssetningar í Bandaríkjunum og á völdum mörkuðum í Asíu á AVT34, hliðstæðu við Imfinzi (durvalumab), og AVT87, hliðstæðu við Hemlibra (emicizumab). Alvotech heldur eftir réttinum til að markaðssetja bæði lyfin milliliðalaust í Bandaríkjunum samhliða Lotus.
• Alvotech og LOTTE Biologics gerðu með sér samning um að LOTTE Biologics muni framleiða virk lyfjaefni fyrir Alvotech í verksmiðju sinni í Syracuse í New York-ríki. Með samningnum eykur Alvotech framleiðslugetu sína enn frekar á heimsvísu og getur brugðist hraðar við aukinni eftirspurn á alþjóðlegum mörkuðum.
• FDA samþykkti nýtt framleiðsluferli fyrir Simlandi, hliðstæðu Alvotech við Humira, í lyfjaverksmiðjunni í Vatnsmýri. Nýja aðferðin tvöfaldar það magn virka lyfjaefnisins sem fæst úr hverri framleiðslulotu.
• FDA samþykkti einnig viðauka við markaðsleyfi á Bandaríkjamarkaði fyrir hliðstæðu Alvotech við líftæknilyfið Humira. Samþykki FDA gerir Alvotech kleift að framleiða virka lyfjaefnið í hliðstæðuna fyrir Bandaríkjamarkað í báðum framleiðslueiningum verksmiðjunnar í Reykjavík.

Ummæli Lisu Graver, forstjóra Alvotech:

„Afkoma félagsins styrktist á þriðja fjórðungi ársins. Vöru- og þjónustutekjur námu 58 milljónum dala sem er 6% aukning frá fyrri ársfjórðungi og 78% aukning milli ára. Að loknum úrbótum á framleiðsluaðstöðunni um mitt árið höfum við haldið áfram að auka framleiðsluna til að mæta sterkri eftirspurn á öllum mörkuðum sem við þjónum.“

„Nýleg samþykki Matvæla- og lyfjastofnunar Bandaríkjanna (FDA) á breyttri aðferð til að framleiða hliðstæðuna við Humira, sem meira en tvöfaldar afköst í hverri lotu og framleiðslu hliðstæðunnar í báðum einingum lyfjaverksmiðjunnar í Vatnsmýri, auka framleiðsluafköst félagsins til muna.“

„Við náðum einnig mikilvægum áföngum í lyfjaþróun. Umsóknir um markaðsleyfi fyrir hliðstæður við Entyvio og Eylea í háum styrk hafa verið teknar til afgreiðslu hjá lyfjayfirvöldum. Samningurinn við Lotus gerir Alvotech kleift að taka beinan þátt í sölu í Bandaríkjunum og samstarf við LOTTE Biologics og Fujifilm styrkir aðfangakeðju félagsins enn frekar. Forgangsverkefnið er að nýta þennan vaxandi meðbyr til að afgreiða fyrirliggjandi pantanir á fjórða ársfjórðungi og leggja áfram grunn að frekari vexti.“

Afkomuspá fyrir árið í heild

Afkomuspáin gerir enn ráð fyrir að heildartekjur á árinu geti verið á bilinu 650–700 milljónir dala og EBITDA á bilinu 180–220 milljónir dala, en félagið býst frekar við að niðurstaðan verði nær neðri mörkum í tekjum og EBITDA. Félagið leggur megináherslu á að halda áfram að auka framleiðslu, eftir að úrbótum á framleiðsluaðstöðunni lauk um mitt þetta ár og afgreiða lyf upp í fyrirliggjandi pantanir á fjórða ársfjórðungi.

Boð á kynningu á árshlutauppgjörinu

Stjórnendur félagsins kynna uppgjörið á fundi sem sendur verður út í beinu streymi og hefst kl. 13 fimmtudaginn 12. nóvember nk.

Til þess að hlusta á beint streymi af fundinum:
https://edge.media-server.com/mmc/p/xog3u2xy/

Til þess að hlusta eða leggja fram spurningu úr síma (hverjum þátttakanda er úthlutað PIN):
https://register-conf.media-server.com/register/BIc6f9e20f129b4e789c7bc1a732488c5c

Kynningarglærur fyrir fundinn og önnur gögn er að finna undir liðnum 2026 Q3 á slóðinni:
https://alvotech.com/is/financials

Nánari upplýsingar

Fyrir fjölmiðla – alvotech.media@alvotech.com
Benedikt Stefansson
Sarah MacLeod

Fyrir fjárfesta - alvotech.ir@alvotech.com
Benedikt Stefansson
Dr. Balaji V Prasad
Mikaela Vilchez

Fjárhagsdagatal

Uppgjör eftir hvern ársfjórðung er birt eins og sjá má í töflunni, eftir lokun markaða í Bandaríkjunum. Uppgjörsfundur fer fram næsta dag. Dagatalið er birt með fyrirvara um mögulegar breytingar.

Ráðstefnudagatal

Stjórnendur félagsins munu taka þátt og kynna félagið á nokkrum fjárfestaráðstefnum í nóvember. Frekari upplýsingar er að finna á vefsíðu félagsins https://alvotech.com/is/events. Dagatalið er birt með fyrirvara um mögulegar breytingar.

Um Alvotech

Alvotech er líftæknifyrirtæki stofnað af Róberti Wessman sem einbeitir sér að þróun og framleiðslu líftæknihliðstæðulyfja fyrir sjúklinga um allan heim. Alvotech stefnir að því að verða leiðandi á sviði líftæknihliðstæðulyfja. Til að tryggja hámarksgæði eru allir þróunar- og framleiðsluþættir í höndum fyrirtækisins. Alvotech hefur sett fimm hliðstæður á alþjóðlegan markað. Þá vinnur félagið meðal annars að þróun líftæknilyfjahliðstæða sem nýst geta sjúklingum með krabbamein, sjálfsofnæmis-, augn- og blóðsjúkdóma. Alvotech hefur gert samninga um sölu, markaðssetningu og dreifingu við samstarfsaðila á öllum helstu mörkuðum, í Bandaríkjunum, Evrópu, Japan, Kína, öðrum hlutum Asíu, Rómönsku Ameríku, Afríku og Mið-Austurlöndum.

Frekari upplýsingar er að finna á vefsíðu Alvotech https://alvotech.is. Þá má fylgjast með Alvotech á samfélagsmiðlunum LinkedIn, Facebook, Instagram, og YouTube.

---

¹ Tölurnar sýna tekjur, hagnað eða tap tímabilsins að teknu tilliti til einskipti- og óreglulegra liða. Nánari upplýsingar er að finna í töflunni‚ ‘Reported to Adjusted Reconciliation’ í lok tilkynningarinnar, þar sem einnig er að finna árshlutareikninginn.