Bera hf.: Útgáfa á nýjum skuldabréfaflokki

Bera hf. hefur lokið sölu á nýjum skuldabréfaflokki, BERA 28 1, sem gefinn er út undir 10.000.000.000 kr. útgáfuramma félagsins. Tilboð bárust fyrir 2.260.000.000 kr. og ákveðið var að taka tilboðum að fjárhæð 2.000.000.000 kr., að nafnverði.

BERA 28 1 er nýr almennur (e. senior) skuldabréfaflokkur sem mun greiða fljótandi vexti tengda þriggja mánaða REIBOR vöxtum, auk 1,10% vaxtaálags, með einni höfuðstólsgreiðslu á lokagjalddaga þann 23. júní 2028.

Greiðslu- og uppgjörsdagur er fyrirhugaður þriðjudaginn 23. júní 2026 og í kjölfarið verður sótt um að skuldabréfin verði tekin til viðskipta á Aðalmarkaði Nasdaq Iceland. Kauphöllin mun tilkynna um fyrsta dag viðskipta með eins dags fyrirvara.

Íslandsbanki hf. hafði umsjón með útgáfu og sölu skuldabréfanna sem og töku skuldabréfanna til viðskipta á Aðalmarkaði Nasdaq Iceland.

Ekki var um almennt útboð að ræða. Útboðið var sömuleiðis undanþegið gerð lýsingar á grundvelli a, c og d - liðar, 4. mgr. 1. gr. reglugerðar Evrópusambandsins og ráðsins (ESB) nr. 2017/1129 um lýsingu sem birta skal þegar verðbréf eru boðin í almennu útboði eða tekin til viðskipta á skipulegum markaði, sbr. lög nr. 14/2020 um sama efni.

Nánari upplýsingar veitir:

Óskar Ingi Magnússon, fjármálastjóri, oskar.ingi.magnusson@berahf.is