Eimskipafélag Íslands hf. – Sala á nýjum skuldabréfaflokki
Eimskipafélag Íslands hf. hefur lokið útboði á skuldabréfum í nýjum flokki, EIM 261130. Tilboð að fjárhæð 2.500 m.kr. voru samþykkt á ávöxtunarkröfunni 8,50%. Skuldabréfin verða seld á pari. Alls bárust 17 tilboð að fjárhæð 2.700 m.kr. á ávöxtunarkröfubilinu 8,20–8,75%. Skuldabréfin verða seld á pari.
Skuldabréfaflokkurinn er óverðtryggt vaxtagreiðslubréf til fjögurra ára, með vaxtagreiðslum á þriggja mánaða fresti, fyrst 26. febrúar 2027. Höfuðstóll greiðist í einu lagi á lokagjalddaga, 26. nóvember 2030. Skuldabréfin eru gefin út í 20.000.000 kr. nafnverðseiningum.
Greiðslu- og uppgjörsdagur er fyrirhugaður fimmtudaginn 26. nóvember 2026. Sótt verður um töku skuldabréfaflokksins til viðskipta á Aðalmarkaði Nasdaq Iceland. Samkvæmt skilmálum útgáfunnar skal flokkurinn tekinn til viðskipta innan sex mánaða frá útgáfudegi, þ.e. eigi síðar en 26. maí 2027.
Fyrirtækjaráðgjöf og markaðsviðskipti Landsbankans höfðu umsjón með útboðinu og munu annast töku skuldabréfaflokksins til viðskipta á Aðalmarkaði Nasdaq Iceland.
Í tengslum við fyrirhugaða töku skuldabréfaflokksins til viðskipta verður birt lýsing á fjárfestasíðu félagsins, https://www.eimskip.com/investors, að fenginni staðfestingu Fjármálaeftirlits Seðlabanka Íslands og áður en viðskipti hefjast með flokkinn.
Nánari upplýsingar veita:
Guðbjörg Birna Björnsdóttir, forstöðumaður fjárstýringar Eimskips, í síma 844 4752 eða investors@eimskip.com.
Gunnar S. Tryggvason, Verðbréfamiðlun Landsbankans, í síma 821 2090 eða gunnars@landsbankinn.is.