Generalforsamlinga i Voss Veksel- og Landmandsbank ASA fatta fylgjande vedtak i
samband med ordinær generalforsamling 30. april 2020:
«Årsrekneskapen og årsmeldinga for 2019, herunder forslag til
overskotsdisponering, vert godkjend.

Generalforsamlinga gjev styret fullmakt til å beslutte utdeling av utbytte
basert på banken sitt vedtekne årsrekneskap for 2019, jf. allmennaksjelova § 8-2
andre ledd. Fastsetjinga skal gjennomførast innan utgangen av 2020, slik at
fullmakta gjeld fram til 31. desember 2020.

Ved bruk av fullmakta skal styret sikre at avgjerda er i tråd med banken sin
vedtekne utbyttepolitikk, samt at banken sin soliditet og tilhøva elles tilseier
at det vil vera forsvarleg å dele ut utbytte.»

Styret beslutta i styremøte 15. desember 2020 å ikkje dele ut utbytte basert på
den vedtekne rekneskapen for 2019. Bakgrunnen for vedtaket er at det framleis er
uvisse knytt til storleik og varigheit kring det økonomiske tilbakeslaget som
følgje av covid-19-pandemien.

Styret legg også vesentleg vekt på Finanstilsynet sin uttale 2. september 2020
der dei uttalar fylgjande: "Finanstilsynet forventer at norske banker og
forsikringsforetak følger anmodningen fra norske myndigheter om å avstå fra å
dele ut utbytte og kjøpe tilbake egne aksjer i det minste fram til 1. januar
2021." Vidare også Finansdepartementet si pressemelding nr. 63/2020 der dei ber
bankar vente med å dele ut utbytte til den store uvissa kring den økonomiske
utviklinga er redusert.

Kontaktperson:
Stig Gunnar Røthe, adm. banksjef, Voss Veksel- og Landmandsbank ASA, tlf. +47 56
52 35 63

Desse opplysningane er informasjonspliktige etter verdipapirhandellova § 5-12.