Eik fasteignafélag hf. efnir til útboðs á skuldabréfum föstudaginn 10. september 2021. Boðin verða til sölu skuldabréf í skuldabréfaflokknum EIK 141233.

Skuldabréfaflokkurinn er með lokagjalddaga þann 14. desember 2033 og greiðast vextir og afborganir tvisvar sinnum á ári, þann 14. júní og 14. desember ár hvert. Afborganir fylgja 30 ára jafngreiðsluferli (annuity) fram til lokagjalddaga þegar allar eftirstöðvar höfuðstóls greiðast upp. Þá deilir flokkurinn veðsafni með þegar útgefnum skuldabréfaflokkum félagsins, EIK 100346, EIK 161047, EIK 050726, EIK 050749, og EIK 23 1, og lánum frá fjármálastofnunum. Skuldabréfaflokkurinn ber 2,327% nafnvexti.

Heildarstærð skuldabréfaflokksins er að hámarki 8.000 milljónir króna að nafnverði en þegar hafa verið gefin út skuldabréf að fjárhæð 6.500 milljónir króna að nafnverði.

Skuldabréfin verða boðin til sölu með hollensku fyrirkomulagi, þ.e. að öll samþykkt tilboð bjóðast fjárfestum á hæstu ávöxtunarkröfu sem verður tekið. Stefnt er að uppgjöri viðskiptanna fimmtudaginn 16. september 2021 og verður óskað eftir því að skuldabréfin verði tekin til viðskipta á Nasdaq Iceland.

Íslandsbanki hefur umsjón með sölu skuldabréfanna.

Tilboðum skal skilað fyrir klukkan 16:00 á útboðsdegi, þann 10. september 2021, til verðbréfamiðlunar Íslandsbanka á netfangið vbm@isb.is. Félagið áskilur sér rétt til þess að taka hvaða tilboði sem er eða hafna þeim öllum.

Nánari upplýsingar veitir:

Lýður Heiðar Gunnarsson, framkvæmdastjóri fjármálasviðs, lydur@eik.is, s: 590-2209 / 820-8980