Kurs & Likviditet
Beskrivning
Land | Island |
---|---|
Lista | Mid Cap Iceland |
Sektor | Handel & varor |
Industri | Detaljhandel |
Hagar hf. hafa samþykkt breytingu á samningum um viðskiptavakt á eftirmarkaði með hlutabréf Haga við Kviku banka hf. annars vegar og Íslandsbanka hf. hins vegar. Breytingin tekur gildi 1. september 2021 en hún er tilkomin vegna innleiðingar á MiFID II sem tekur gildi sama dag og þeirri breytingu á verðskrefum (e. tick size) hlutabréfa Haga sem verður í kjölfarið.
Samkvæmt báðum samningum var hámarksverðbil kaup- og sölutilboða 1,5%. Breytingin á báðum samningum felur í sér að verðbil kaup- og sölutilboða skuli nú ákvarðast með hliðsjón af verðskrefatöflu Kauphallarinnar eins og hún er hverju sinni þannig að verðbil verði sem næst 1,5% en þó ekki minna en 1,45%. Þó skal viðskiptavökum heimilt að fara tímabundið undir framangreint viðmið s.s. vegna aðstæðna sem skapast vegna verðskrefatöflu Kauphallarinnar.
Að auki voru gerðar eftirfarandi breytingar á samningi við Íslandsbanka:
- Fjárhæð kaup- og sölutilboða, að nafnvirði, skal nú vera að lágmarki kr. 200.000 í stað kr. 300.000 áður.
- Ef verðbreyting innan viðskiptadags er umfram 5,0% er Íslandsbanka heimilt að tvöfalda hámarksverðbil milli kaup- og sölutilboða tímabundið þann daginn. Í fyrri samningi var miðað við 10% verðbreytingu.
Að öðru leyti en hér greinir eru samningarnir við Kviku banka hf. og Íslandsbanka hf. frá 13. febrúar 2020 óbreyttir.
Nánari upplýsingar veitir Guðrún Eva Gunnarsdóttir, framkvæmdastjóri fjármálasviðs Haga, geg@hagar.is