Kurs & Likviditet
Beskrivning
Land | Island |
---|---|
Lista | Small Cap Iceland |
Sektor | Fastigheter |
Industri | Förvaltning |
Kaldalón hf. (KALD) - útgáfa nýs hlutafjár
Stjórn Kaldalóns hf., kt. 490617-1320, hefur þann 24. júní 2021, ákveðið að hækka hlutafé félagsins um kr. 1.019.230.769, úr kr. 3.641.570.537 í kr. 4.660.801.306, að nafnverði, með útgáfu 1.019.230.769 nýrra hluta. Hlutirnir eru gefnir út á genginu kr. 1.30 fyrir hvern nýútgefinn hlut, og greiðast því samtals kr. 1.325.000.000 fyrir hina nýja hluti.
Greitt er fyrir hina nýju hluti með reiðufé, og verður það nýtt m.a. til kaupa á tekjuberandi eignum í samræmi við áður yfirlýsta stefnu Kaldalóns. Hlutafjárhækkunin er liður í þeirri vegferð Kaldalóns að auka vægi tekjuberandi eigna í rekstri félagsins, og því markmiði að skrá félagið á aðallista NASDAQ Iceland á árinu 2022.
Heimild stjórnar til að hækka hlutafé félagsins er til samræmis við ákvörðun aðalfundar félagsins, haldinn þann 26. júní 2020, sem staðfest var á hluthafafundi þann 7. desember 2020, en samkvæmt heimildinni hafa hluthafar ekki forgangsrétt að nýjum hlutum, heldur er stjórn heimilt að selja þá fjárfestum.
Sjóðir í stýringu Stefnis hafa skráð sig fyrir hlutum að nafnverði kr. 769.230.769, eða sem nemur kr. 1.000.000.000 að markaðsvirði miðað við markaðsgengið 1.30.
VÍS hefur skráð sig fyrir hlutum að nafnverði kr. 250.000.000, eða sem nemur kr. 325.000.000 að markaðsvirði miðað við markaðsgengið 1.30.
Hinir nýju hluthafar skulu greiða andvirði áskrifta þeirra eigi síðar en 4. júlí næstkomandi.
Hluthafaskrá Kaldalóns verður uppfærð til samræmis.
Fyrirtækjaráðgjöf Arion Banka er ráðgjafi Kaldalóns.