Drög að uppgjöri Kviku banka hf. fyrir annan ársfjórðung 2021 liggja nú fyrir en samkvæmt þeim er afkoma fjórðungsins áætluð á bilinu 3.550 – 3.650 m.kr fyrir skatta.

Sögulega lágt samsett hlutfall TM og ávöxtun fjáreigna umfram væntingar

Samsett hlutfall TM var um 80,8% á öðrum ársfjórðungi og frá áramótum 91,5%. Ávöxtun fjáreigna hjá TM var 3,6% á tímabilinu. Afkoma TM á öðrum ársfjórðungi nam um 1.870 m.kr. fyrir skatta.

Góður vöxtur í hreinum þóknana- og vaxtatekjum á öðrum ársfjórðungi

Hreinar þóknanatekjur jukust um rúmlega 20% á milli fjórðunga og námu 2.046 m.kr. á öðrum ársfjórðungi en hreinar vaxtatekjur námu 1.156 m.kr.

Hreinar fjárfestingatekjur á fjórðungnum námu 2.003 m.kr. en þar af vegna TM 1.142 m.kr.

Uppgjörið er enn í vinnslu og könnun endurskoðanda ekki lokið. Uppgjörið gæti því tekið breytingum fram að birtingardegi. Uppgjör annars ársfjórðungs verður birt þann 26. ágúst 2021.