Breytingar hafa verið gerðar á samningum við Arion banka og Íslandsbanka um viðskiptavakt með hluti í Símanum hf. Breytingarnar eru til komnar vegna innleiðingar á MiFID II og taka gildi í dag, 1. september 2021.

Verðbil kaup– og sölutilboða er nú ákvarðað með hliðsjón af verðskrefatöflu Kauphallarinnar eins og hún er hverju sinni þannig að verðbil verði sem næst 1,5% en þó ekki minna en 1,45%. Þó skal viðskiptavaka vera heimilt að fara tímabundið undir framangreint viðmið m.a. vegna aðstæðna sem skapast vegna verðskrefatöflu Kauphallarinnar.

Á sama tíma voru einnig gerðar tvær breytingar á samningi við Íslandsbanka. Fyrri breytingin snýr að fjárhæð kaup- og sölutilboða, sem framvegis verður að lágmarki 1.500.000 krónur að nafnverði í stað 2.500.000 kr. Seinni breytingin snýr að því að Íslandsbanka er heimilt að tvöfalda hámarksverðbil milli kaup- og sölutilboða tímabundið ef verðbreyting innan viðskiptadags er umfram 5,0%. Í eldri samningi var miðað við 10,0%. Að öðru leyti eru samningar um viðskiptavakt óbreyttir.

Nánari upplýsingar veitir Óskar Hauksson fjármálastjóri Símans, oskarh@siminn.is.