Bifogade filer
Kurs & Likviditet
Prenumeration
Beskrivning
Land | Island |
---|---|
Lista | Large Cap Stockholm |
Sektor | Finans |
Industri | Bank |
Stjórn Arion banka hefur samþykkt breytingar á kaupaukakerfi fyrir starfsfólk Arion banka sem gildir fyrir árið 2024. Núverandi kerfi var upphaflega sett á í desember 2020 og er að fullu í samræmi við reglur Seðlabankans um kaupaukagreiðslur starfsfólks fjármálafyrirtækja og starfskjarastefnu bankans sem samþykkt var á aðalfundi.
Breytingin felur aðallega í sér að hluti starfsfólks, sem áður gat eingöngu fengið greiddan kaupauka í formi hlutabréfa í bankanum, mun, auk greiðslu á allt að 5% af föstum árslaunum, hafa val um hvort það fær eftirstöðvar kaupauka í formi hlutabréfa eða kauprétta á hlutabréfum í bankanum, sem jafngildi allt að 20% af föstum árslaunum. Í samræmi við lög um fjármálafyrirtæki er 40% af kaupauka frestað til fjögurra eða fimm ára. Því til viðbótar er sölubann á afhentum hlutabréfum til þriggja ára.
Helstu skilmálar kaupréttanna eru:
- Innlausnarverð tekur mið af gengi hlutabréfa í bankanum á þeim degi sem ársreikningur fyrir árið 2024 er samþykktur og er ávaxtað yfir ávinnslutíma á ársvöxtum sem taka mið af markaðstæðum á þeim tíma er kaupréttir verða gefnir út, og skal kaupverð m.a. leiðrétt fyrir arðgreiðslum sem kunna að vera ákveðnar á ávinnslutíma.
- 1/2 af kauprétti ávinnst á þremur árum frá útgáfu og eftirstöðvar ávinnast á fjórum árum (fimm árum fyrir bankastjóra og starfsmenn sem heyra beint undir bankastjóra) frá útgáfu.
- Nýtingartímabil er í hvort skipti 15 virkir dagar eftir birtingu ársreiknings. Ef hluti kaupréttar er ekki nýttur á viðkomandi tímabili fellur hann niður.
- Kaupréttir falla almennt niður ef ráðningarsambandi er slitið.
- Virði kauprétta skal reiknað skv. reiknilíkani Black-Scholes og skal óháður sérfræðingur staðfesta útreikning bankans á virði kauprétta.
Allt annað starfsfólk Arion banka, að starfsfólki eftirlitseininga undanskildu, er áfram hluti af kerfinu og getur eftir sem áður fengið allt að 10% af föstum árslaunum í kaupauka þegar ársreikningur bankans fyrir árið 2024 liggur fyrir.
Greiðslur skv. kaupaukakerfi bankans eru háðar því að markmiðum kerfisins hafi verið náð.