Meginefni kaupréttarsamninganna er eftirfarandi:

• Grunnverð er 175,5 á hlut sem er gengi hlutabréfa í bankanum á þeim degi er ársreikningur fyrir árið 2024 var samþykktur og er það ávaxtað yfir ávinnslutíma á 5,5% ársvöxtum og skal verðið m.a. leiðrétt fyrir arðgreiðslum sem kunna að vera ákveðnar á ávinnslutíma.
• Kaupréttarsamningar vegna 832.500 hluta eru með þeim hætti að 1/2 af kauprétti ávinnst á þremur árum frá útgáfu og eftirstöðvar ávinnast á fjórum árum (fimm ár fyrir bankastjóra og starfsfólk sem heyra beint undir bankastjóra) frá útgáfu. Nýtingartímabil er í hvort skipti 20 virkir dagar eftir birtingu ársreiknings. Ef hluti kaupréttar er ekki nýttur á viðkomandi tímabili fellur hann niður.
• Kaupréttarsamningar vegna 1.618.241 hluta eru með þeim hætti að allur kaupréttur ávinnst á fjórum árum (fimm ár fyrir bankastjóra og starfsfólk sem heyra beint undir bankastjóra) frá útgáfu. Nýtingartímabil er 20 virkir dagar eftir birtingu ársreiknings. Ef kaupréttur er ekki nýttur á nýtingartímabili fellur hann niður.
• Kaupréttir falla almennt niður ef ráðningarsambandi er slitið.
• Við tilteknar aðstæður er félaginu heimilt að afturkalla kauprétti í heild eða að hluta í samræmi við reglur félagsins um kaupaukakerfi.
• Virði kauprétta var reiknað skv. reiknilíkani Black-Scholes af óháðum sérfræðingi.

Heildarfjöldi útgefinna kauprétta samkvæmt framangreindri útgáfu nemur um 0,16% hlutafjár í félaginu.

Upplýsingar um forsendur við verðlagningu kauprétta skv. kaupaukakerfi fyrir árið 2024 og helstu skilmála þeirra er að finna hér.

Upplýsingar um viðskipti stjórnenda með framangreinda kauprétti og afhendingu hlutabréfa eru í viðhengi: