Arion banki hf.: Útboð almennra skuldabréfa í íslenskum krónum þann 14. janúar 2025
Prenumeration
Beskrivning
| Land | Island |
|---|---|
| Lista | Large Cap Stockholm |
| Sektor | Finans |
| Industri | Bank |
Arion banki heldur lokað útboð á almennum skuldabréfaflokki ARION 28 1215 þriðjudaginn 14. janúar 2025.
ARION 28 1215 er verðtryggður flokkur almennra skuldabréfa (e. senior preferred) sem ber fasta 4,35% verðtryggða vexti með vaxtagreiðslum tvisvar á ári og var upphaflega gefinn út í desember 2023. Stærð flokksins er 12.060 m.kr. og lokagjalddagi er 15. desember 2028.
Fyrirkomulag útboðs verður með þeim hætti að öll samþykkt tilboð verða tekin á hæstu samþykktu ávöxtunarkröfunni. Arion banki áskilur sér rétt til þess að samþykkja öll tilboð, hafna öllum tilboðum eða taka tilboðum að hluta.
Í tengslum við útboðið fer fram skiptiútboð þar sem eigendur flokksins ARION CBI 25 eiga þess kost að selja bréf í flokknum gegn kaupum í ofangreindu útboði. Hreint verð í skiptiútboðinu er 99,7832.
Áætlaður uppgjörsdagur er 21. janúar 2025. Greiða skal með reiðufé og/eða með skiptum á ARION CBI 25.
Útgáfan verður gefin út undir 3,0 milljarða evra Euro Medium Term Notes (EMTN) útgáfuramma bankans. Grunnlýsingu EMTN rammans má nálgast hér.
Markaðsviðskipti Arion banka hafa umsjón með útboðinu. Tilboðum skal skilað á netfangið skuldabrefamidlun@arionbanki.is fyrir kl. 16:00 þann 14. janúar 2025.