Bifogade filer
Arion banki: Niðurstöður aðalfundar 2025
Prenumeration
Beskrivning
| Land | Island |
|---|---|
| Lista | Large Cap Stockholm |
| Sektor | Finans |
| Industri | Bank |
Aðalfundur Arion banka hf. var haldinn þann 12. mars 2025 kl. 16:00.
Eftirfarandi eru niðurstöður fundarins:
- Skýrsla stjórnar um starfsemi bankans á síðasta reikningsári var kynnt af Paul Horner, stjórnarformanni. Jafnframt fór Benedikt Gíslason, bankastjóri, yfir starfsemi bankans síðastliðið ár.
- Ársreikningur bankans og samstæðureikningur fyrir síðastliðið reikningsár var samþykktur.
- Samþykkt var að greiða út arð.
Samþykkt var að greiða út arð til hluthafa bankans sem nemur 11,5 kr. á hlut, sem jafngildir um 16 milljörðum kr. Arðleysisdagur (e. ex-date), þ.e. sá dagur sem viðskipti hefjast með bréf bankans án réttar til arðs, verður 13. mars 2025. Arðsréttindadagur (e. record date) verður 14. mars 2025. Hluthafar tilgreindir í hlutaskrá bankans í lok arðsréttindadags eiga tilkall til arðs. Útborgunardagur (e. payment date) verður 20. mars 2025.
- Kosning stjórnar bankans, stjórnarformanns og varaformanns stjórnar.
Paul Horner var endurkjörinn formaður stjórnar og Kristín Pétursdóttir endurkjörin varaformaður.
Eftirtaldir aðilar voru sjálfkjörnir í stjórn bankans:
- Gunnar Sturluson
- Kristín Pétursdóttir (varaformaður)
- Marianne Gjertsen Ebbesen
- Paul Horner (formaður)
- Steinunn Kristín Þórðardóttir
og eftirtaldir aðilar voru sjálfkjörnir í varastjórn bankans:
- Einar Hugi Bjarnason
- Sigurbjörg Ólafsdóttir
- Samþykkt var að Deloitte ehf. haldi áfram hlutverki sínu sem ytri endurskoðendur bankans.
Deloitte ehf. var kjörið til að halda áfram hlutverki sínu sem ytri endurskoðandi bankans fram að næsta aðalfundi. Byggir sú tillaga á samningi milli Arion banka og Deloitte ehf. frá desember 2024 og 90. gr. laga nr. 161/2002 um fjármálafyrirtæki.
- Samþykkt var tillaga stjórnar um þóknun til stjórnarmanna bankans og laun nefndarmanna í undirnefndum stjórnar.
Tillaga stjórnar um þóknun til stjórnarmanna bankans og laun nefndarmanna í undirnefndum stjórnar var samþykkt eins og hún var lögð fram á fundinum.
- Ákvörðun um þóknun til nefndarmanna í tilnefningarnefnd bankans var samþykkt.
Samþykkt var að þóknun til nefndarmanna í tilnefningarnefnd yrði fast tímagjald sem nemur 29.250 kr.
- Kosning tveggja nefndarmanna í tilnefningarnefnd bankans.
Fyrir fundinn bárust framboð í tilnefningarnefnd bankans frá Auði Bjarnadóttur og Júlíusi Þorfinnssyni og voru þau því sjálfkjörin til setu í tilnefningarnefnd.
- Kosning eins nefndarmanns í endurskoðunarnefnd bankans.
Heimir Þorsteinsson var endurkjörinn í endurskoðunarnefnd bankans.
- Tillaga um heimild stjórnar til að samþykkja kaupréttaráætlun.
Stjórn var veitt heimild til að samþykkja nýja kaupréttaráætlun byggða á 10. gr. laga nr. 90/2003, um tekjuskatt til að gera kaupréttarsamninga við starfsfólk bankans og dótturfélaga bankans, um kaup á hlutum í bankanum að fjárhæð allt að 1.500.000 kr. að markaðsvirði á ári hverju í fimm ár.
- Tillaga að breytingum á starfskjarastefnu bankans var samþykkt.
Starfskjarastefna bankans var samþykkt eins og hún var lögð fram á fundinum.
- Tillaga um lækkun hlutafjár til jöfnunar á eigin hlutum og samsvarandi breyting á samþykktum.
Samþykkt var að lækka hlutafé bankans um 93.423.078 kr. að nafnverði, eða sem nemur 93.423.078 hlutum, til jöfnunar eigin hluta, úr 1.513.423.078 kr. í 1.420.000.000 kr. að nafnverði. Lækkunin verður framkvæmd með niðurfellingu eigin hluta bankans að framangreindri fjárhæð, að uppfylltum skilyrðum laga.
- Heimild til útgáfu breytanlegra skuldabréfa viðbótar eiginfjárþáttar 1 og samsvarandi breyting á samþykktum.
Aðalfundur samþykkti heimild til útgáfu breytanlegra skuldabréfa viðbótar eiginfjárþáttar 1 og samsvarandi breytingar á samþykktum.
- Tillaga um endurnýjun á heimild bankans til kaupa á eigin hlutum og samsvarandi breyting á samþykktum var samþykkt.
Aðalfundur Arion banka hf. haldinn 12. mars 2025 samþykkir að veita stjórn bankans heimild, á grundvelli 55. gr. laga um hlutafélög, nr. 2/1995, til að kaupa fyrir hönd bankans eigin hluti, þannig að félagið og dótturfélög eigi samanlagt allt að 10% af hlutafé bankans. Heimild þessi skal nýtt í þeim tilgangi að setja upp formlega endurkaupaáætlun eða til að gera hluthöfum almennt tilboð um kaup bankans á eigin bréfum, t.d. með útboðsfyrirkomulagi, enda sé jafnræðis hluthafa gætt við boð um þátttöku í slíkum viðskiptum. Hlutabréf sem bankinn eignast á grundvelli heimildar þessarar má m.a. nota í þeim tilgangi að uppfylla skuldbindingar félagsins samkvæmt kaupréttarsamningum, sem gerðir eru á milli félagsins og starfsfólks þess, sem og til greiðslu kaupauka, í samræmi við starfskjarastefnu og kaupaukakerfi bankans. Framkvæmd endurkaupa á grundvelli heimildar þessarar er háð því skilyrði að fyrir fram samþykki Fjármálaeftirlits Seðlabanka Íslands, samkvæmt 77. gr. reglugerðar ESB nr. 575/2013 um varfærniskröfur að því er varðar lánastofnanir og verðbréfafyrirtæki, hafi verið veitt.
Heimild þessi gildir fram að aðalfundi bankans árið 2026 en hafi hann ekki farið fram 12. september 2026 rennur hún út í síðasta lagi þann dag. Aðrar eldri heimildir til kaupa á eigin hlutum falla úr gildi við samþykkt heimildar þessarar. Slík afturköllun skal þó ekki hafa áhrif á endurkaupaviðskipti sem eru þegar hafin, eða þegar hefur verið stofnað til, fyrir þann dag.
- Tillögur að breytingum á samþykktum bankans var samþykkt.
Aðalfundur samþykkti breytingar á samþykktum bankans.
- Breytingartillaga stjórnar við tillögu að breytingum á starfsreglum tilnefningarnefndar bankans.
Stjórn Arion banka lagði fram breytingartillögu fyrir fundinn er varðaði 3. mgr. 3. gr. í starfsreglum tilnefningarnefndar bankans. Aðalfundur samþykkti þá breytingartillögu.
- Önnur mál.