Bifogade filer
Islandsbanki Nidurstodur Adalfundur2024
Kurs & Likviditet
Prenumeration
Beskrivning
| Land | Island |
|---|---|
| Lista | Large Cap Iceland |
| Sektor | Finans |
| Industri | Storbank |
Aðalfundur Íslandsbanka hf. var haldinn í dag, fimmtudaginn 21. mars 2024, í Ballroom salnum á Reykjavík Edition hótelinu, Austurbakka 2, Reykjavík. Jafnframt var gefinn kostur á rafrænni þátttöku á fundinum.
Á dagskrá fundarins voru hefðbundin aðalfundarstörf þar sem Linda Jónsdóttir, stjórnarformaður, flutti skýrslu stjórnar og Jón Guðni Ómarsson, bankastjóri, fór yfir starfsemi og afkomu bankans á árinu 2023. Ársreikningur bankans var samþykktur sem og tillaga um greiðslu arðs að fjárhæð 12,3 milljarða króna, sem jafngildir 6,26 krónur á hlut. Ákvað fundurinn að KPMG ehf. verði kjörið endurskoðunarfélag Íslandsbanka.
Sjálfkjörið var í stjórn bankans og stöður varamanna án sérstakrar atkvæðagreiðslu.
Í stjórn Íslandsbanka sitja því nú eftirfarandi sjö stjórnarmenn:
- Agnar Tómas Möller
- Haukur Örn Birgisson
- Helga Hlín Hákonardóttir
- Linda Jónsdóttir
- Stefán Pétursson
- Stefán Sigurðsson
- Valgerður Hrund Skúladóttir
Linda Jónsdóttir var endurkjörinn formaður stjórnar.
Varamenn í stjórn Íslandsbanka eru:
- Herdís Gunnarsdóttir
- Páll Grétar Steingrímsson
Samþykkt var tillaga stjórnar um þóknun stjórnarmanna og laun varamanna sem og tillögur stjórnar um breytingar á starfskjarastefnu bankans og starfsreglum tilnefningarnefndar. Jafnframt var samþykkt tillaga stjórnar um breytingar á samþykktum bankans sem endurspeglar ákvæði 53. gr. laga um fjármálafyrirtæki nr. 161/2002 hvað varðar skipan og verkefni tilnefninganefndar og vilja hluthafa til að tilnefningarnefnd skuli kosin af hluthafafundi.
Þá samþykkti aðalfundur tillögu stjórnar um heimild stjórnar til að kaupa fyrir hönd bankans allt að 10% af hlutafé hans. Heimild þessi skal nýtt í þeim tilgangi að setja upp formlega endurkaupaáætlun eða til að gera hluthöfum almennt tilboð um kaup bankans á eigin bréfum, t.d. með útboðsfyrirkomulagi, enda sé jafnræðis hluthafa gætt við boð um þátttöku í slíkum viðskiptum.
Aðalfundur samþykkti einnig þóknun nefndarmanna í tilnefningarnefnd bankans. Sjálfkjörið var í tilnefningarnefnd bankans og stöðu varamanns án sérstakrar atkvæðagreiðslu. Í tilnefningarnefnd sitja því nú eftirfarandi tveir nefndarmenn:
- Helga Valfells
- Hilmar Garðar Hjaltason
Varamaður í tilnefningarnefnd bankans er Anna Rut Þráinsdóttir.
Kosið var í stöðu utanaðkomandi nefndarmanns í endurskoðunarnefnd bankans og var Páll Grétar Steingrímsson kjörinn.
Í meðfylgjandi skjali er nánar greint frá niðurstöðum fundarins.