Íslandsbanki hf.: Reglubundin tilkynning um kaup á eigin bréfum í samræmi við endurkaupaáætlun – lok umferðar

Í viku 33 keypti Íslandsbanki hf. (bankinn) 2.863.183 eigin hluti að kaupverði alls 413.707.509 kr. eins og nánar er greint frá hér á eftir:

Fyrir framangreind viðskipti í viku 33, átti bankinn 102.150.283 hluti, sem samsvarar 5,83% af útgefnum hlutum. Eftir framangreind viðskipti í viku 33 átti bankinn 105.013.466 hluti. Þá gerði bankinn í kjölfarið upp kaupréttarsamninga við starfsfólk hans og seldi í því skyni 6.397.210 hluti. Að þeirri sölu lokinni á bankinn 98.616.256 eigin hluti, sem samsvarar 5,63% af útgefnum hlutum.

Þessari umferð endurkaupa, sem tilkynnt var um í kauphöll þann 27. júní 2026, er nú lokið. Samkvæmt framangreindri tilkynningu var áætlað að kaupa allt að 30 milljón hluti sem jafngildir 1,71% af útgefnu hlutafé bankans í umferðinni, þó þannig að heildarfjárhæð endurkaupanna að þessu sinni verði aldrei meiri en samtals kr. 3.950.000.000. Endurkaupunum var haldið áfram 29. júní síðastliðinn og áttu að standa yfir þar til öðru hvoru framangreindra viðmiða um magn eða fjárhæð er náð, en þó aldrei lengur en til 30. september 2026.

Í þessari umferð endurkaupa keypti bankinn 27.595.210 hluti, sem nemur 1,57% af útgefnum hlutum, fyrir samtals kr. 3.949.999.924. Framangreindu hámarki heildarfjárhæðar endurkaupa er því náð í þessari umferð.

Endurkaupaáætlun bankans, sem komið var á samkvæmt heimild Fjármálaeftirlits Seðlabanka Íslands dagsettri 4. febrúar 2026, er nú lokið þar sem hámarksfjárhæð endurkaupa samkvæmt henni hefur verið náð. Frá upphafi endurkaupaáætlunarinnar, sem tilkynnt var um 16. febrúar 2026, hefur bankinn keypt samtals 105.013.466 hluti eigin hluti, sem jafngildir um 5,99% af útgefnu hlutafé bankans.

Bankinn mun áfram meta möguleika á frekari endurkaupum eigin hluta, með fyrirvara um nauðsynlegar heimildir eftirlitsaðila.

Framkvæmd endurkaupaáætlunarinnar er í samræmi við viðeigandi lög og reglur, þ.á m. lög um hlutafélög nr. 2/1995, reglugerð Evrópuþingsins og ráðsins (ESB) um markaðssvik nr. 596/2014 og framselda reglugerð Framkvæmdastjórnarinnar (ESB) nr. 2016/1052, lög um aðgerðir gegn markaðssvikum nr. 60/2021 og reglugerðar nr. 1290/2025 um sama efni. Samþykki Fjármálaeftirlits Seðlabanka Íslands vegna kaupa bankans á eigin hlutum var fyrirliggjandi.