Íslandsbanki hf.: Útboð á almennum skuldabréfum í íslenskum krónum
Kurs & Likviditet
Prenumeration
Beskrivning
| Land | Island |
|---|---|
| Lista | Large Cap Iceland |
| Sektor | Finans |
| Industri | Storbank |
Íslandsbanki hf. verður með lokað útboð á almennum skuldabréfum föstudaginn 21. júní 2024.
Boðnir verða út flokkarnir ISB GBF 27 1122 og ISB 28 1221.
ISB GBF 27 1122 er óverðtryggður almennur skuldabréfaflokkur (e. senior preferred) með lokagjalddaga 22. nóvember 2027. Um er að ræða grænt skuldabréf með mánaðarlegum vaxtagreiðslum, 1 mánaða REIBOR+125 punktar, og jöfnum afborgunum.
ISB 28 1221 er verðtryggður flokkur almennra skuldabréfa (e. senior preferred) sem ber fasta verðtryggða vexti með árlegri vaxtagreiðslu og var upphaflega gefinn út í desember 2023. Lokagjalddagi er 21. desember 2028.
Fyrirkomulag útboðs á ISB GBF 27 1122 verður með hollensku fyrirkomulagi þar sem öll samþykkt tilboð verða seld á sama verði, á hæstu samþykktu ávöxtunarkröfunni.
Fyrirkomulag útboðs á ISB 28 1221 verður með þeim hætti að bréfin verða seld á fyrirfram ákveðnu hreinu verði sem tilkynnt verður eftir lokun markaða 20. júní 2024.
Íslandsbanki áskilur sér rétt til að samþykkja eða hafna tilboðum að hluta til eða öllu leyti.
Áætlaður uppgjörsdagur er 1. júlí 2024.
Útgáfan verður gefin út undir 2,5 milljarða dollara Euro Medium Term Notes (EMTN) útgáfuramma bankans. Grunnlýsingu EMTN rammans ásamt viðaukum má finna á vefsíðu fjárfestatengsla: EMTN grunnlýsing
Verðbréfamiðlun Íslandsbanka hefur umsjón með útboðinu. Tilboðum vegna útboðsins skal skilað á tölvupóstfangið vbm@isb.is fyrir kl. 16:00 þann 21. júní 2024.