Kurs & Likviditet
Beskrivning
Land | Norge |
---|---|
Lista | OB Match |
Sektor | Tjänster |
Industri | Fordon & Transport |
2020-02-26 08:00:00
Frå overgangsåret 2019 til oppstartsår i 2020 Høgdepunkt frå fjerde kvartal: • Samla driftsinntekt på 689 millionar NOK, EBITDA på 159 millionar NOK og netto tap på 17 millionar NOK. • Fjerde kvartal var kjenneteikna av trygg drift og eit høgt aktivitetsnivå. Mellombels lågare ferjevolum forklarer nedgangen i driftsinntekt samanlikna med fjerde kvartal i fjor. • Framgang i fornyingsprogrammet til Fjord1 i kvartalet med levering av fem nye fartøy og tre ombygde fartøy. • Samla investering på 1 019 millionar NOK , inkludert 115 millionar NOK til kaier og infrastruktur. • Netto renteberande gjeld (NIBD) auka til 4,9 millionar NOK grunna investeringar i fartøy og infrastruktur. – 2019 var eit overgangsår med endringar i kontraktporteføljen og betydelege investeringar. Vi er no i ferd med å fullføre eit omfattande program for fornying av fartøy som vil gjere fartøyflåten til den største elektrifiserte fartøyflåtane i Noreg. Dette vil føre til ei stor forbetring av miljøavtrykket vårt. Investeringsprogrammet er eit viktig steg på vegen mot visjonen vår om å bli den mest miljøvenlege tilbydaren av ferjetransport og å realisere verdiskapingspotensialet som ligg i den store langsiktige kontraktporteføljen vår, seier adm. dir. Dagfinn Neteland. Høgdepunkt i 2019 • Total driftsinntekt på 2 724 millionar NOK, EBITDA på 819 millionar NOK og netto overskot på 215 millionar NOK. • Dei økonomiske resultata speglar lågare volum og store investeringar i eit overgangsår. • Vann den langsiktige Halsa-Kanestraum-kontrakten for perioden 2021–2030. • Levering av ni nye hybridfartøy og tre oppgraderte fartøy som skal drivast på langsiktige kontraktar og bidra til trygg, påliteleg og miljøvenleg ferjetransport. – Fjord1 sin langsiktige strategi og visjon står fast. Selskapet er og vil halde fram med å vere ein leiande aktør i den norske ferjemarknaden som tilbyr kundane trygg, påliteleg og miljøvenleg transport. I 2020 vil vi fokusere på å få nye fartøy og infrastruktur i full drift for å frigjere verdiskapingspotensialet som ligg i den store langsiktige kontraktporteføljen vår, fortel Neteland vidare. Oppstartsår 2020 • Nye kontraktar starta 1. januar, og i 2020 vil vi ha ei auka satsing på nye samband og ferjeruter. • Driftsinntektene i 2020 er venta å auke med 10–15 % samanlikna med 2019. Driftskostnader vil bli påverka av tidspunktet for fullføringa av infrastrukturen. • Det er venta at den netto renteberande gjelda vil bli lågare i 2020, sidan programmet for fornying av fartøy blir avslutta i det første halvåret, kontantflyten aukar og fleire infrastrukturaktiva blir selde. • Fullføringa av programmet for nybygging markerer eit stort steg framover for Fjord1 mot ein elektrifisert flåte med låge eller ingen utslepp. • Omstillinga til ein flåte med låge utslepp er venta å fortsette gradvis med oppgradering av eksisterande fartøy til bruk av elektrisitet. Tidspunktet for elektrifisering er avhengig av når infrastrukturen på land blir ferdig. Framtidsutsikter • Sterk kontraktportefølje på 24,5 milliardar NOK totalt til og med 2033 frå slutten av 2019, ekskl. opsjonar og indeksregulering. • Driftsinntekta i 2020 er venta å gå opp med 10–15 % samanlikna med 2019. • Netto renteberande gjeld er forventa å auke meir, men vil antakeleg gå ned i 2020 grunna betre kontantflyt, lågare investeringar og sal av infrastruktur. Kontaktar Dagfinn Neteland, adm. dir., Fjord1 ASA dagfinn.neteland@fjord1.no Tlf. 913 71 071 Anne-Mari Sundal Bøe, økonomi- og finansdirektør, Fjord1 ASA anne.mari.sundal.boe@fjord1.no Tlf. 902 78 906 Om Fjord1 Fjord1 har som mål å vere den tryggaste og mest ettertrakta tilbydaren av miljøvenleg og påliteleg transport for kundar, klientar og partnarar. Fjord 1 er ein leiande aktør i den norske ferjemarknaden med meir enn 70 ferjer, med verksemd også innan passasjerbåttenester, catering og turisme. Les meir på www.fjord1.no