o	Fjord1 har halde fram med trygg og ansvarleg drift, teke godt vare på
tryggleiken til dei tilsette, kundar og leverandørar, og har samstundes oppfylt
ansvaret som leverandør av kritisk transportinfrastruktur i kyst-Noreg. 
o	Inntekta i tredje kvartal var 758 millionar kroner. Det er ein nedgang på fire
prosent frå same kvartal året før. Dette skuldast primært bortfall av
ferjekontrakten på Molde-Vestnes.
o	EBITDA var 276 millionar kroner i tredje kvartal, ned 18 prosent frå same
periode året før. EBITDA-marginen fall til 36 prosent frå 43 prosent i same
kvartal året før, noko som i hovudsak skuldast høgare pris på  diesel og høgare
vedlikehaldskostnader enn i same kvartal året før.  
o	Investeringane var på 289 millionar kroner i tredje kvartal og netto
renteberande gjeld (NIBD) auka til 5.275 millionar kroner, i hovudsak for kjøp
av eit nytt skip. 
o	Porteføljen av langtidskontraktar har ein verdi på 21,8 milliardar kroner før
indeksregulering, og gir saman med våre langsiktige ambisjonar for turisme eit
solid grunnlag for vidare utvikling av Fjord1.
o	Fjord1 har inngått ein prinsippavtale med Vy og Aurland Ressursutvikling for å
opprette eit felles selskap for å styrke marknadsposisjonen for turistverksemd. 

«Drifta er gradvis normalisert etter letta Covid-19-restriksjonar.
Ferjesegmentet har stabil drift, trass i at kostnadene er påverka av høgare
drivstoffprisar og forsinka oppstart av nye elektriske ruter, og vi ser
forbetringar i Catering-segmentet. Vi forventar at auka kontantstraum frå
drifta, lågare investeringar og sal av infrastrukturprosjekt legg til rette for
reduksjon i gjeld framover,» seier administrerande direktør i Fjord1, Dagfinn
Neteland.
For dei første ni månadene var inntektene 2.157 millionar kroner (2.292) og
EBITDA 663 millionar kroner, svarande til ein EBITDA-margin på 31 prosent (34).
Investeringane var 531 millionar kroner dei første ni månadene. Det var ein
reduksjon på om lag 60 prosent frå same periode i 2020, då investeringane i
nybygg og elektrifisering toppa ut.

Framtidsutsikter
Fjord1 forventar sterk etterspurnad etter sine tenestar og står fast ved
strategien om å vere ein leiande aktør i den norske ferjemarknaden som tilbyr
kundane trygg, påliteleg og miljøvennleg transport. Selskapet vurderer
kontinuerleg nye anbod i den norske marknaden, og mogelegheiter utanfor Noreg.
Selskapet sin sterke kontraktsportefølje er verd 21,8 milliardar NOK før
opsjonar og indeksregulering, og strekk seg gjennom 2034, noko som gir ei solid
plattform for lønnsam vekst. 
Selskapet hadde netto renteberande gjeld på 5,3 milliardar kroner ved utgangen
av september 2021, ned frå 5,8 milliardar ved utgangen av september 2020.
Selskapet planlegg for eit lågare investeringsnivå framover og ventar at
størstedelen av kontantstraum frå drifta og inntekter frå sal av
infrastrukturprosjekt vil nytta til å redusere renteberande gjeld ytterlegare.
Rapporten for dei første ni månadane og tredje kvartal 2021 og ein presentasjon
av tala er lagt ved meldinga, og er også å finne på
https://www.fjord1.no/Investor-Relations/Rapportar-og-pressemeldingar/Rapportar/
Rapportar-2021.

Denne meldinga er informasjonspliktig etter verdipapirhandelloven §5-12. 

Kontaktar 
Dagfinn Neteland, adm. dir. Fjord1 AS 
dagfinn.neteland@fjord1.no  
+47 913 71 071 

Eller

Anne-Mari Sundal Bøe, økonomi- og finansdirektør, Fjord1 AS
anne.mari.sundal.boe@fjord1.no  
+47 902 78 906

Om Fjord1 
I Fjord1 har vi som mål å vere den sikraste og mest attraktive leverandøren av
miljøvennleg ferje- og hurtigbåttransport for kundane, oppdragsgjevarane og
samarbeidspartnarane våre. Fjord1 er ein leiande aktør på den norske
ferjemarknaden og har over 80 ferjer. I tillegg til passasjerbåttenester driv
selskapet verksemd innanfor catering og turisme. 
Les meir på www.fjord1.no