o	Fjord1 held fram med trygg og påliteleg drift og oppfyller ansvaret som
leverandør av kritisk transportinfrastruktur i kyst-Noreg. 
o	Inntekta i første kvartal var 736 millionar kroner. Det er ein auke på 6
prosent frå same kvartal året før. Dette skuldast primært indeksregulering av
ferjekontrakter og inntekt frå infrastruktur. 
o	EBITDA var 182 millionar kroner i første kvartal, og EBITDA-marginen fall til
25 prosent frå 29 prosent i same kvartal året før. Dette skuldast i hovudsak
høgare pris på diesel og noko meir vedlikehald enn i same kvartal året før. 
o	Investeringane var på 141 millionar kroner i første kvartal, i hovudsak for
infrastrukturprosjekt knytt til elektrifisering og ombygging av fartøy. 
o	Netto renteberande gjeld (NIBD) var på 4.966 millionar kroner per 31. mars
2022. Selskapet har lågare investeringsforpliktingar framover, og forventar auka
kontantstraum frå drift, og NOx kompensasjon for elektriske ferjer. 
o	Porteføljen av langtidskontraktar har ein verdi på 20,3 milliardar kroner før
indeksregulering, og gir saman med flåtefornyingsprogrammet mot ein grønare
framtid eit solid grunnlag for vidare utvikling av Fjord

«Fjord1 held fram med elektrifisering av nye fartøy og bygging av infrastruktur
på land. Selskapet hadde god framdrift med den elektriske infrastrukturen i
første kvartal, og stadig fleire ferjesamband går no heilelektrisk. Med om lag
43 prosent av fartøys porteføljen hybrid-elektrisk er Fjord1 eit av dei mest
miljøvennlege ferjeselskapa i verden,» seier administrerande direktør i Fjord1,
Dagfinn Neteland.

Framtidsutsikter
Fjord1 kjenner seg sikker på at det og i framtida vil vere stort behov for
trygg, miljøvennleg og påliteleg transport i kystregionane. Selskapet vurderer
kontinuerleg nye anbod i den norske marknaden, og mogelegheiter utanfor Noreg.
Selskapet sin sterke kontraktsportefølje er på 20,3 milliardar kroner før
opsjonar og indeksregulering og strekk seg gjennom 2034, noko som gir ei solid
plattform for lønnsam vekst. 
Fjord1 er forplikta til å helde fram med reduksjon av utslepp og elektrifisering
av norske fjordsamband. Når infrastrukturprosjekta blir fullførte og fleire
ferjesamband blir drifta elektrisk ventar selskapet at det totale kostnadsnivået
stabiliserer seg på et lågare nivå, noko som vil auke lønsemda. 
Rapporten for første kvartal 2022 er lagt ved meldinga, og er også å finne på
https://www.fjord1.no/Investor-Relations/Rapportar-og-pressemeldingar/Rapportar.


Denne meldinga er informasjonspliktig etter verdipapirhandelloven §5-12. 

Kontaktar 
Dagfinn Neteland, adm. dir. Fjord1 AS 
dagfinn.neteland@fjord1.no  
+47 913 71 071 

Eller

Anne-Mari Sundal Bøe, økonomi- og finansdirektør, Fjord1 AS
anne.mari.sundal.boe@fjord1.no  
+47 902 78 906


Om Fjord1 
I Fjord1 har vi som mål å vere den sikraste og mest attraktive leverandøren av
miljøvennleg ferje- og hurtigbåttransport for kundane, oppdragsgjevarane og
samarbeidspartnarane våre. Fjord1 er ein leiande aktør på den norske
ferjemarknaden og har over 80 ferjer. I tillegg til passasjerbåttenester driv
selskapet verksemd innanfor catering og turisme. 
Les meir på www.fjord1.no