Fremtind Forsikring AS og Eika Forsikring AS, og deira respektive eigarar
SpareBank 1 Gruppen AS, DNB Bank ASA og Eika Gruppen AS, inngjekk 12. desember
2023 ein intensjonsavtale om å slå saman dei to selskapa, som annonsert i
børs-/pressemelding frå Fremtind Forsikring AS og Eika Forsikring AS i dag. Det
samanslåtte selskapet vil heite Fremtind Forsikring, og det vert synt til nevnte
børs-/pressemelding for ytterlegare informasjon om den planlagde samanslåinga. 

Voss Veksel- og Landmandsbank ASA eig 0,64 prosent av aksjane i Eika Gruppen AS,
som etter gjennomføring av transaksjonen vil eige 20,10 prosent  av aksjane i
Fremtind Holding. 

Målt mot siste verdivurdering inneber transaksjonen ein førebels berekna
verdiauke på aksja i Eika Gruppen AS på om lag 18 prosent, tilsvarande om lag
1,1 milliardar kroner. Voss Veksel- og Landmandsbank ASA sin andel av denne
auken (0,64 prosent) utgjer ca. 7 millionar kroner og vil verta resultatført
over utvida resultat i banken sin rapport for fjerde kvartal.

Samanslåinga er betinga av at partane inngår ein transaksjonsavtale med
tilhøyrande dokument. Partane har allereie framforhandla tilnærma ferdige utkast
til avtaleverk, og transaksjonsavtalen er venta inngått tidleg i fyrste kvartal
2024. Gjennomføringa av transaksjonsavtalen vil blant anna vera betinga av at
partane oppnår samtlege nødvendige myndigheitsgodkjenningar utan vilkår som er
vesentleg tyngande. Det er venta at transaksjonen tidlegast vil kunne
gjennomførast sommaren 2024. 

For medieførespurnader, ta kontakt med:
Stig Gunnar Røthe, adm. banksjef, 56 52 35 63


Denne informasjonen inneheld innsideinformasjon i henhold til EU si
marknadsmisbruksforordning og er informasjonspliktig etter verdipapirhandellova
§ 5-12.