Ásar hf. - Reglubundin tilkynning um kaup á eigin bréfum í samræmi við endurkaupaáætlun
Í 38. viku 2026 keypti Ásar hf. 3.800.000 eigin hluti að kaupverði 41.482.500 kr. skv. sundurliðun hér á eftir:
| Dagsetning | Tími | Keyptir hlutir | Viðskiptaverð | Kaupverð (kr.) | Eigin hlutir eftir viðskipti |
| 14.9.2026 | 12:36 | 500.000 | 11,125 | 5.562.500 | 104.618.958 |
| 15.9.2026 | 11:54 | 500.000 | 10,900 | 5.450.000 | 105.118.958 |
| 16.9.2026 | 13:10 | 500.000 | 10,700 | 5.350.000 | 105.618.958 |
| 17.9.2026 | 13:32 | 1.200.000 | 10,850 | 13.020.000 | 106.818.958 |
| 18.9.2026 | 14:46 | 1.100.000 | 11,000 | 12.100.000 | 107.918.958 |
| 3.800.000 | 41.482.500 | 107.918.958 |
Viðskiptin dagana 14. til 16. september 2026 voru gerð á grundvelli endurkaupaáætlunar Ása hf. sem tilkynnt var um í Kauphöll Íslands hf. þann 24. ágúst 2026 og felld var niður þann 17. september 2026. Viðskiptin dagana 17. til 18. september 2026 voru gerð á grundvelli nýrrar endurkaupaáætlunar félagsins sem tilkynnt var um í Kauphöll Íslands hf. þann 17. september 2026 og hófust kaup samkvæmt henni sama dag.
Líkt og tilkynnt hefur verið munu endurkaup samkvæmt nýju áætluninni að hámarki nema 399.712.500 kr. að kaupverði, en umfang hennar tekur mið af þeim endurkaupum sem þegar höfðu farið fram og felur því ekki í sér aukningu á áður tilkynntu heildarumfangi endurkaupanna, 500 milljónum króna. Kaup hvers viðskiptadags nema að hámarki 25% af meðaltali daglegrar veltu með hlutabréf félagsins í Kauphöll Íslands síðustu 20 viðskiptadaga á undan kaupdegi.
Endurkaupaáætlunin er í gildi í 18 mánuði frá síðasta aðalfundi, en þó aldrei lengur en fram að aðalfundi félagsins árið 2027, eða skemur ef skilyrði um hámarkskaup eru uppfyllt fyrir þann tíma.
Ásar hf. áttu 104.118.958 eigin hluti fyrir viðskiptin en eiga að þeim loknum 107.918.958 eða sem nemur 4,50% af útgefnum hlutum í félaginu.
Ásar hf. keyptu samtals 8.500.000 eigin hluti samkvæmt þeirri endurkaupaáætlun sem felld var niður þann 17. september 2026, eða sem nemur 0,35% af útgefnum hlutum í félaginu, og nam heildarkaupverð þeirra 100.287.500 kr. Samkvæmt nýju endurkaupaáætluninni hefur félagið keypt samtals 2.300.000 eigin hluti, eða sem nemur 0,10% af útgefnum hlutum í félaginu, og nemur heildarkaupverð þeirra 25.120.000 kr. Samtals hefur félagið því keypt 10.800.000 eigin hluti á grundvelli áætlananna tveggja, eða sem nemur 0,45% af útgefnum hlutum í félaginu, fyrir samtals 125.407.500 kr.
Framkvæmd endurkaupaáætlunarinnar verður í samræmi við lög um hlutafélög nr. 2/1995, 5. gr. reglugerðar Evrópuþingsins og ráðsins (ESB) nr. 596/2014 um markaðssvik, sem hefur lagagildi hér á landi sbr. lög nr. 60/2021 um aðgerðir gegn markaðssvikum, sem og framselda reglugerð framkvæmdastjórnarinnar 2016/1052/EB sem hefur að geyma tæknilega skilmála varðandi endurkaupaáætlanir.