Aðalfundur Eikar fasteignafélags hf. verður haldinn þriðjudaginn 5. apríl 2022 rafrænt og í fundarsalnum Gullteig A á Grand Hótel Reykjavík, Sigtúni 28, 105 Reykjavík.

Ekki hafa verið gerðar breytingar á dagskrá eða tillögum sem birtar voru með tilkynningu félagsins 14. mars 2022. Fundargögn eru á heimasíðu félagsins á slóðinni: http://eik.is/hluthafar.

Hluthafar eða umboðsmenn hluthafa sem hafa hug á því að taka þátt í fundinum eru minntir á að skrá sig tímanlega á heimasíðunni www.lumiagm.com/meeting/eik og ekki seinna en kl. 16:00 mánudaginn 4. apríl 2022.

Aðstoð við skráningu á aðalfundinn er hægt að fá með því að senda tölvupóst á stjornun@eik.is. Hluthöfum sem hafa hug á að taka til máls á fundinum er boðið að upplýsa um það með tölvupósti á sama netfang.