Meðfylgjandi er kynning Haga hf. á uppgjöri 4. ársfjórðungs og ársuppgjöri félagsins 2023/24 sem haldin verður fyrir hluthafa og markaðsaðila kl. 08:30 í dag, miðvikudaginn 24. apríl 2024, á Nauthól, Nauthólsvegi 106 í Reykjavík. Þar munu Finnur Oddsson, forstjóri, og Guðrún Eva Gunnarsdóttir, framkvæmdastjóri fjármálasviðs, kynna rekstur og afkomu félagsins, ásamt því að svara spurningum.

Fundinum verður auk þess streymt og er skráning á hann hér: https://www.hagar.is/skraning. Þeir sem fylgjast með í streymi geta sent spurningar sem tengjast uppgjörinu á meðan á útsendingu stendur á netfangið fjarfestakynning@hagar.is og verður þeim svarað eins og kostur er í lok fundar.