Á fundi stjórnar Haga hf. í dag, þann 31. ágúst 2024, var ákveðið að veita tilteknum lykilstarfsmönnum félagsins kauprétti fyrir samtals 12.918.615 hlutum í félaginu, eða sem samsvarar 1,17% af hlutafé Haga hf. þegar kaupréttarkerfi var samþykkt, þar af 11.037.686 til framkvæmdastjórnar.

Með kaupréttarkerfinu er viðhaldið langtíma hvatakerfi Haga hf. sem er ætlað að tvinna saman hagsmuni lykilstarfsmanna Haga hf. og hluthafa félagsins, með kerfi sem leiðréttir fyrir ávöxtunarkröfu og úthlutun af eignum félagsins og gerir þannig kaupréttarhafa og hluthafa jafnsetta. Skilmálar kaupréttarsamninganna eru í samræmi við kaupréttarkerfi sem samþykkt var á hluthafafundi Haga hf. þann 30. ágúst 2024.

Meginefni kaupréttarsamninganna er sem hér segir:

• Nýtingarverð / Kaupgengi kaupréttanna er 80,0 kr. fyrir hvern hlut sem samsvarar dagslokagengi hlutabréfa í Högum degi fyrir úthlutun, þann 30. ágúst 2024, að viðbættum 5,5% ársvöxtum frá úthlutunardegi til upphafsdags nýtingartímabils. Nýtingarverð skal leiðrétt (til lækkunar) fyrir framtíðar arðgreiðslum.
• Ávinnslutími kaupréttarins er þremur (3) árum frá úthlutunardegi kauprétta (31. ágúst 2024) og ávinnur kaupréttarhafi 1/3 hluta kaupréttarins í hvert sinn þegar 12, 24 og 36 mánuðir eru liðnir frá úthlutunardegi.
• Forstjóra og öðrum meðlimum framkvæmdastjórnar ber að halda eftir hlutum sem nema fjárhæð hreins hagnaðar af nýttum kaupréttum, að frádregnum sköttum, þar til eftirfarandi fjárhæðarviðmiðum er náð, mælt í virði hlutafjáreignar í félaginu sem margfeldi af grunnárslaunum: forstjóri 12 sinnum mánaðarlaun; aðrir meðlimir framkvæmdastjórnar 6 sinnum mánaðarlaun.
• Almennt séð falla kaupréttir niður fyrir ávinnslutíma ef ráðningarsambandi kaupréttarhafa við félagið er slitið.
• Komi til þess að breyting verður á yfirráðum í félaginu, sbr. 100. gr. laga nr. 108/2007 um verðbréfaviðskipti er kaupréttarhafa heimilt að nýta allan kauprétt sinn.
• Félaginu er óheimilt að veita lán eða ábyrgðir af nokkru tagi í tengslum við kaupréttarkerfið.

Í kjölfar úthlutunar kaupréttanna nemur heildarfjöldi útistandandi kauprétta sem Hagar hf. hafa veitt lykilstarfsmönnum sínum 24.724.861 hlutum eða um 2,2% hlutafjár í félaginu.

Upplýsingar um kauprétti sem veittir eru framkvæmdastjórn Haga hf. er að finna í viðhengi.

Nánari upplýsingar veitir Finnur Oddsson, forstjóri Haga, fo@hagar.is