Vísað er til tilkynningar Heima hf. (“Heimar” eða “félagið”) dags. 23. apríl 2025 um kaup félagsins á öllu hlutafé Grósku ehf. og Gróðurhússins ehf.  

Kaupverðið greiðist eins og áður hefur verið tilkynnt um með útgáfu og afhendingu 258 milljón nýrra hluta í Heimum. Stjórn Heima hefur ákveðið að gefa út nýtt hlutafé í félaginu að nafnverði 258 milljón króna, hlutafé félagsins fer því úr kr. 1.763.901.137 í kr. 2.021.901.137, á grundvelli heimildar sem veitt var á aðalfundi félagsins þann 11. mars sl. Hlutafjárhækkunin hefur verður skráð af Fyrirtækjaskrá Skattsins og óskað hefur verið eftir því að nýir hlutir verði gefnir út af Nasdaq CSD og þeir teknir til viðskipta á Aðalmarkaði Nasdaq Iceland. 

Nánari upplýsingar veitir Halldór Benjamín Þorbergsson, forstjóri Heima, s. 821 0001