Prenumeration
Beskrivning
| Land | Island |
|---|---|
| Lista | Mid Cap Iceland |
| Sektor | Fastigheter |
| Industri | Förvaltning |
Kaup Heima hf. („Heimar“) á öllu hlutafé Tryggvagötu ehf., sem tilkynnt var um 20. febrúar sl., eru nú frágengin. Seljendur eru MF2 hs. og Laxamýri ehf. Kaupverðið var greitt að fullu með reiðufé og yfirtöku skulda.
Tryggvagata ehf. á fasteignirnar Tryggvagötu 14, og Tryggvagötu 10 í miðborg Reykjavíkur. Heildarfermetrafjöldi fasteignanna er um 5.500 m2. Um er að ræða kaup á 106 herbergja, 4 stjörnu hóteli í miðborg Reykjavíkur og aðliggjandi skrifstofubyggingu.
Eignirnar eru í útleigu og leigutakar í eignunum eru Exeterhouse ehf., rekstraraðili Exeter hótels, og Aton Jl. Exeter hótel hefur á síðustu misserum fest sig í sessi sem eitt af bestu hótelum borgarinnar og er það staðsett á eftirsóttum stað með einstakt útsýni yfir höfnina. Hótelið er vel staðsett, með nútímalegri hönnun og gæðaþjónustu sem tryggir hátt nýtingarhlutfall og verðmætasköpun til framtíðar.
Fasteignirnar eru heilar nýlegar eignir byggðar árið 2018 og eru staðsettar innan skilgreindra kjarnasvæða Heima. Kaupin samræmast því stefnuáherslum félagsins.
Halldór Benjamín Þorbergsson, forstjóri Heima:
„Kaupin á þessum vönduðu og vel staðsettu fasteignum í hjarta Reykjavíkur marka mikilvægt skref í áframhaldandi vaxtar- og kjarnastefnu Heima. Exeter hótel hefur á undanförnum árum byggt upp sterkt vörumerki sem við teljum samræmast gæðum og langtímahugsun Heima. Með þessum kaupum styrkjum við enn frekar eignasafn okkar með hágæða útleigueignum á lykilstaðsetningum og tryggjum áframhaldandi verðmætasköpun fyrir hluthafa okkar. Við hlökkum til góðs samstarfs við núverandi leigutaka og viljum þakka seljendum og ráðgjöfum fyrir fagleg vinnubrögð í tengslum við viðskiptin.”
Hjalti Gylfason, stjórnarformaður Laxamýri ehf. og eigandi Exeterhouse ehf.:
„Það er ánægjulegt að afhenda fasteignirnar, sem við þróuðum og byggðum upp, til trausts og öflugs fasteignafélags eins og Heima. Exeterhouse ehf. mun áfram reka hótelið undir sínum núverandi merkjum og hlökkum við til að halda áfram að veita gæðaþjónustu á þessum einstaka stað í hjarta borgarinnar í góðu samstarfi við Heima.”
LEX var ráðgjafi Heima í viðskiptunum og BBA // Fjeldco voru ráðgjafar seljenda.
Nánari upplýsingar veitir Halldór Benjamín Þorbergsson, forstjóri Heima, s. 821 0001