Reitir hf. efnir til útboðs á skuldabréfum miðvikudaginn 24. júní næstkomandi.

Boðin verða til sölu skuldabréf í nýjum skuldabréfaflokki, REITIR 28. Flokkurinn er veðtryggður með almennu tryggingafyrirkomulagi félagsins.

REITIR 28 er nýr skuldabréfaflokkur sem mun greiða fljótandi vexti tengda þriggja mánaða REIBOR-vöxtum, auk 0,90% vaxtaálags, með einni höfuðstólsgreiðslu á lokagjalddaga þann 15. maí 2028. Greiðslur vaxta eru á þriggja mánaða fresti, fyrst  þann 15. október 2026.

Útboðið verður með föstum kjörum eða 0,90% álagi á 3M REIBOR og eru fjárfestar beðnir um að skila inn magntilboði.

Tilkynnt verður um niðurstöðu útboðsins og úthlutun til fjárfesta þegar niðurstaða liggur fyrir, þó eigi síðar en fyrir opnun markaða fimmtudaginn 25. júní 2026.

Félagið áskilur sér rétt til þess að samþykkja öll tilboð, hafna öllum tilboðum eða taka öllum tilboðum að hluta.

Greiðslu- og uppgjörsdagur er fyrirhugaður þriðjudaginn 30. júní 2026. Í kjölfar uppgjörs og afhendingar verður sótt verður um töku skuldabréfaflokksins til viðskipta á Aðalmarkað Nasdaq Iceland. Kauphöll mun tilkynna um fyrsta dag töku til viðskipta með eins dags fyrirvara.

Íslandsbanki hf. hefur umsjón með sölu á útboðinu. Tilboðum skal skila til Verðbréfamiðlunar Íslandsbanka fyrir kl: 16:00, miðvikudaginn 24. júní á netfangið vbm@islandsbanki.is.
Grunnlýsing, endanlegir skilmálar og önnur skjöl er varða útgáfu framangreinds flokks skuldaskjals verða birt á vefsíðu félagsins: https://www.reitir.is/fjarfestar/skuldabref

Upplýsingar veita Einar Þorsteinsson, fjármálastjóri, einar@reitir.is, sími 669 4416 og Verðbréfamiðlun Íslandsbanka, vbm@islandsbanki.is