Beskrivning
| Land | Island |
|---|---|
| Lista | Mid Cap Iceland |
| Sektor | Fastigheter |
| Industri | Förvaltning |
Reitir fasteignafélag hf. hefur lokið sölu á skuldabréfum í tveimur skuldabréfaflokkum, REITIR150531 annars vegar og nýjum skuldabréfaflokki REITIR150525 hins vegar.
REITIR150531 er verðtryggður skuldabréfaflokkur sem er veðtryggður með almenna tryggingafyrirkomulagi félagsins. Flokkurinn er með lokagjalddaga 15. maí 2031 en endurgreiðsluferli höfuðstóls fylgir 30 ára greiðsluferli með jöfnum afborgunum fram til lokagjalddaga, þegar allar eftirstöðvar greiðast í einni greiðslu. Greiðslur vaxta og afborgana höfuðstóls fara fram á tveggja mánaða fresti. Áður hafa verið gefin út bréf að nafnverði 1.480 m.kr. í flokknum.
REITIR150525 er nýr óverðtryggður skuldabréfaflokkur sem er veðtryggður með almenna tryggingafyrirkomulagi félagsins. Greiðslur vaxta fara fram á tveggja mánaða fresti en höfuðstóll flokksins verður greiddur með einni greiðslu á lokagjalddaga, þann 15. maí 2025.
Seld voru skuldabréf í REITIR150531 að nafnverði 4.170 m.kr. á ávöxtunarkröfunni 3,35%, en í REITIR150525 voru seld skuldabréf að nafnverði 1.120 m.kr. á ávöxtunarkröfunni 9,78%.
Samhliða sölunni kaupa Reitir til baka skuldabréf í skuldabréfaflokknum REITIR150523 að nafnverði 1.190 m.kr., en útgáfa skuldabréfanna var liður í endurfjármögnun þess skuldabréfaflokks sem er með lokagjalddaga þann 15. maí næstkomandi.
Stefnt er að uppgjöri viðskiptanna föstudaginn 5. maí næstkomandi og verður óskað eftir því að nýju bréfin verði tekin til viðskipta á Aðalmarkaði Nasdaq Iceland samhliða.
Grunnlýsing félagsins, endanlegir skilmálar og önnur skjöl er varða útgáfu framangreinds skuldabréfaflokks eru birt á vefsíðu félagsins, reitir.is/fjarfestar. Tilkynningar sem Reitir fasteignafélag hf. birtir í tengslum við viðvarandi upplýsingaskyldu frá birtingu grunnlýsingar má jafnframt nálgast á vefsíðu félagsins.
Íslandsbanki hafði umsjón með útgáfu og sölu skuldabréfanna sem og töku þeirra til viðskipta á Aðalmarkaði Nasdaq Iceland.
Upplýsingar veita Einar Þorsteinsson, fjármálastjóri, netfang: einar@reitir.is, sími: 669 4416 og Verðbréfamiðlun Íslandsbanka, netfang: vbm@islandsbanki.is.