Kurs & Likviditet
Beskrivning
Land | Island |
---|---|
Lista | Mid Cap Iceland |
Sektor | Telekom & Media |
Industri | Telekommunikation och -tjänster |
Héraðsdómur Reykjavíkur dæmdi í dag Símanum í óhag í skaðabótamálum Tölvunar, Snerpu og Hringiðjunnar. Símanum er samkvæmt dóminum gert að greiða kr. 111 milljónir í skaðbætur til félaganna þriggja auk kostnaðar. Upphaflegar kröfur félaganna voru að Síminn ætti að greiða þeim um 3 milljarða króna en stefnufjárhæðin í málunum nam tæpum milljarði króna.
Niðurstaðan mun ekki hafa áhrif á birtar horfur né það sem kom fram á fjárfestakynningu félagsins í morgun en niðurstaða Héraðsdóms lá fyrir eftir að kynningarfundi lauk.
Málið lýtur að atvikum frá árunum 2005-2007 og þar af leiðandi komið vel til ára sinna. Málsaðilar hafa byggt á því Síminn hefði valdið þeim tjóni á markaði vegna internetþjónustu.
Niðurstaðan er Símanum mikil vonbrigði enda taldi félagið að ekki hefði verið sýnt fram á að háttsemi þess hafi farið gegn lögum. Síminn mun meta forsendur héraðsdóms og hvort áfrýjað verði til Landsréttar.
Ofangreint mál er eitt af þeim sem að félagið stendur í málarekstri vegna, eins og fram kemur í skýringu 15 með árshlutareikningi samstæðu Símans hf. fyrir fyrstu 9 mánuði ársins 2020.
Nánari upplýsingar veitir Orri Hauksson, forstjóri Símans, s. 550 6003 (orri@siminn.is).