Skráð hefur verið í Fyrirtækjaskrá hlutafjárlækkun í Sjóvá-Almennum tryggingum hf. að nafnverði kr. 52.095.512, en á aðalfundi félagsins þann 11. mars sl. var samþykkt eftirfarandi tillaga stjórnar um að lækka hlutafé félagsins:

„Aðalfundur Sjóvá-Almennra trygginga hf. haldinn 11. mars 2022 samþykkir að hlutafé félagsins verði, að fengnu samþykki Fjármálaeftirlits Seðlabanka Íslands, lækkað um kr. 52.095.512 að nafnverði til jöfnunar eigin hluta á grundvelli ákvæða laga nr. 2/1995, um hlutafélög. Hlutafé félagsins lækkar þar með úr kr. 1.267.617.016 að nafnverði í kr. 1.215.521.504 að nafnverði.“

Í greinargerð stjórnar með tillögunni kom fram að lækkunin myndi verða framkvæmd eftir að lögboðin skilyrði fyrir lækkuninni hefðu verið uppfyllt, svo sem heimild Fyrirtækjaskrár og Fjármálaeftirlits Seðlabanka Íslands. Lagaskilyrðum fyrir lækkun hlutafjárins hefur nú verið fullnægt. Óskað hefur verið eftir því við Nasdaq verðbréfamiðstöð um að lækka skráð hlutafé til samræmis og mun lækkunin verða framkvæmd 19. apríl 2022.

Skráð hlutafé Sjóvá-Almennra trygginga hf. eftir lækkunina er að nafnverði kr. 1.215.521.504, en var fyrir lækkunina kr. 1.267.617.016 að nafnverði. Hver hlutur er ein króna að nafnverði. Allir hlutir eru í sama flokki og njóta sömu réttinda. Fyrir hlutafjárlækkununa á Sjóvá 61.809.266 eigin hluti eða sem nemur 4,88% af útgefnum hlutum í félaginu. Eftir hlutafjárlækkunina á Sjóvá 9.713.754 eigin hluti eða sem nemur um 0,80% af heildarhlutafé eftir lækkun. Niðurfærslan hefur ekki áhrif á hlutafé í eigu annarra hluthafa en félagsins sjálfs.

Nánari upplýsingar veitir:

Andri Már Rúnarsson í síma 772-5590 eða á netfangið fjarfestar@sjova.is