Aðalfundur Sjóvár verður haldinn á Hilton Reykjavík Nordica, Suðurlandsbraut 2, Reykjavík, fimmtudaginn 7. mars kl. 15:00.

Engar kröfur um tiltekin mál eða tillögur bárust frá hluthöfum innan tilskilins frests sem var þann 26. febrúar sl. og er dagskrá aðalfundar því óbreytt frá fyrri tilkynningu félagsins 14. febrúar 2024. Fyrir aðalfundinum liggja því óbreyttar tillögur og ályktanir frá stjórn félagsins sbr. meðfylgjandi viðhengi.

Eftirtaldir aðilar hafa boðið sig fram til setu í stjórn félagsins:
Björgólfur Jóhannsson
Hildur Árnadóttir
Guðmundur Örn Gunnarsson
Ingi Jóhann Guðmundsson
Ingunn Agnes Kro
Framboð vara­manna í stjórn:
Erna Gísladóttir
Garðar Gíslason

Eftirtaldir aðilar hafa boðið sig fram til setu í tilnefningarnefnd félagsins:
Katrín S. Óladóttir
Finnur R. Stefánsson
Sigríður Olgeirsdóttir

Framboðsfrestur er nú runninn út samkvæmt samþykktum félagsins og hafa frekari framboð ekki borist. Þar sem stjórn félagsins skal skipuð fimm einstaklingum, og tveim til vara, er ljóst að framangreindir aðilar eru sjálfkjörnir til setu í stjórn félagsins á aðalfundinum án sérstakrar atkvæðagreiðslu. Nánari upplýsingar um frambjóðendur er að finna í skýrslu tilnefningarnefndar.

Hluthafar og umboðsmenn þeirra geta skráð sig á aðalfundinn á fundarstað frá kl. 14:30 á aðalfundardag.

Fundargögn, umboð og frekari upplýsingar tengdar aðalfundinum er hægt að finna á vefsvæði félagsins https://www.sjova.is/adalfundur2024/.

Nánari upplýsingar veitir Davíð Scheving Thorsteinsson í síma 869-8109 eða fjarfestar@sjova.is.