Beskrivning
| Land | Island |
|---|---|
| Lista | Mid Cap Iceland |
| Sektor | Finans |
| Industri | Försäkring |
Drög að uppgjöri fyrri árshelmings ársins 2025 benda til þess að samsett hlutfall í tryggingastarfsemi VÍS á tímabilinu sé 90,6% sem er talsvert betra en áætlanir gerðu ráð fyrir. Í áður birtum rekstrahorfum fyrir árið 2025 í heild var áætlað að samsett hlutfall yrði á bilinu 93-96% með markmið um að vera undir 94%. Með vísan til þessa telur félagið rétt að uppfæra rekstrarhorfur í tryggingastarfsemi þannig að áætlað er að samsett hlutfall ársins verði á bilinu 92-95%.
Áhrifaþættir á samsett hlutfall fyrri árshelmings eru m.a. eftirfarandi:
- Rekstrarbati sem skýrist af áframhaldandi tekjuvexti í tryggingastarfsemi, hagfelldri tjónaþróun og hagræðingu í rekstri.
- Jákvæðar matsbreytingar vegna hagstæðrar þróunar fyrri tímabila og erlendrar starfsemi sem hefur verið aflögð.
Áður birtar rekstrarhorfur um tekjur í fjármálastarfsemi eru óbreyttar. Samkvæmt drögum af uppgjöri er ávöxtun fjárfestingaeigna 1,2% í öðrum ársfjórðungi og 0,1% á fyrri árshelmingi.
Vinna við árshlutauppgjör er enn í gangi og því geta lykiltölur tekið smávægilegum breytingum fram að birtingu. Uppgjör fyrri árshelmings 2025 verður birt þann 17. júlí n.k. og fjárfestakynning verður haldin í höfuðstöðvum félagsins að Ármúla 3 kl. 16:30 þann sama dag.
Frekari upplýsingar veitir:
Haraldur I. Þórðarson, forstjóri félagsins
Netfang: haraldur@skagi.is.
Þessi tilkynning inniheldur upplýsingar sem töldust eða kunna að hafa talist innherjaupplýsingar í skilningi 7. gr. reglugerðar Evrópuþingsins og ráðsins (ESB) nr. 596/2014 um markaðssvik (MAR), sbr. lög nr. 60/2021, um aðgerðir gegn markaðssvikum.