Sýn og Viaplay hafa undirritað samstarfssamning til þriggja ára.

Helstu efnisatriði samningsins eru eftirfarandi:

• Sýn fær með samkomulaginu einkarétt á sölu á afþreyingar- og íþróttaveitu Viaplay á Íslandi í vöndli við aðrar vörur.
• Framleiðsla og umgjörð alls íþróttaefnis Viaplay fyrir íslenskan markað færist yfir til Stöðvar 2 Sport
• Stöð 2 Sport fær sýningarrétt á öllum leikjum íslenska karlalandsliðsins  í knattspyrnu

Það er mat Sýnar að samstarfssamningurinn muni hafa jákvæð langtímaáhrif á rekstur Sýnar og skapa grundvöll fyrir virðisaukningu með sölu á sjónvarpsefni með fjarskiptaþjónustu Vodafone. Jafnframt opnast með samstarfinu möguleikar á frekari hagræðingu í sjónvarpsrekstri.

Nánar verður gerð grein fyrir samstarfinu í fréttatilkynningu sem send verður í kjölfar þessarar kauphallartilkynningar. 

Nánari upplýsingar veitir Yngvi Halldórsson, forstjóri Sýnar hf., netfang: yngvih@syn.is