Sýn hf. lauk sölu á óvirkum innviðum í desember sl. Félagið hefur nú þegar greitt upp 2 milljarða af langtímalánum við Landsbankann og mun jafnframt nota hluta söluverðs til fjárfestinga í rekstri. Þá hefur Sýn lokið kaupum á eigin bréfum með tilboðsfyrirkomulagi, sbr. kauphallartilkynning dags. 10. janúar sl. Við lok tilboðsfyrirkomulagsins hafði Sýn hf. eignast  20.750.000 hluti, eða sem nemur um 7% af útgefnu hlutafé félagsins.

Með vísan til viðauka skv. 30. gr. samþykkta Sýnar hf., dags. 19. mars 2021 er félaginu heimilt, í samræmi við 55. gr. laga um hlutafélög nr. 2/1995, að kaupa allt að 10% af eigin hlutum í þeim tilgangi að koma á viðskiptavakt með hluti í félaginu og/eða til að setja upp formlega endurkaupaáætlun.

Stjórn Sýnar hf. hefur á grund­velli fram­an­greindrar heim­ildar tekið ákvörðun um kaup á eigin hlutum sam­kvæmt end­ur­kaupa­áætlun í þeim til­gangi að lækka út­gefið hlutafé fé­lags­ins. Félagið á í dag 20.750.000 eigin hluti og munu endurkaupin að hámarki nema 8.500.000 hlutum þannig að eigin hlutir nemi samtals að hámarki 9,9% af útgefnu hlutafé félagsins. Þó þannig að heildarkaupverð verði ekki hærra en 600 millj­ónir króna. Gert er ráð fyrir að end­ur­kaupum samkvæmt áætl­un­inni ljúki í síðasta lagi 3. mars 2022 eða fyrr ef skilyrði um hámarkskaup eru uppfyllt fyrir þá dagsetningu.

Kaup sam­kvæmt end­ur­kaupa­áætl­un­inni verða fram­kvæmd í áföngum, þó þannig að kaup hvers dags munu að há­marki nema 219.056 hluti eða sem nemur 25% af meðaltali dag­legra viðskipta með hluta­bréf fé­lags­ins á aðal­markaði Nasdaq Iceland hf. í desember 2021. End­ur­gjald fyrir keypta hluti skal ekki vera hærra en sem nemur verði síðustu óháðu viðskipta eða hæsta fyr­ir­liggj­andi óháða kauptilboði í þeim viðskipta­kerfum þar sem viðskipti með hlut­ina fara fram, hvort sem er hærra.

Markaðsviðskipti Lands­bank­ans hf. mun hafa um­sjón með fram­kvæmd end­ur­kaupa­áætl­un­ar­innar og taka allar viðskipta­ákvarðanir er varða kaup á hlutum og tíma­setn­ingu kaup­anna óháð fé­lag­inu.

Fram­kvæmd end­ur­kaupa­áætl­un­ar­innar verður í sam­ræmi við lög um hluta­fé­lög nr. 2/​1995, II. kafla viðauka við reglugerð nr. 630/2005 um innherjaupplýsingar og markaðssvik, 5. gr. reglugerðar Evrópuþingsins og ráðsins (ESB) um markaðssvik nr. 596/2014, sem og framselda reglugerð framkvæmdastjórnarinnar 2016/1052, samanber lög um aðgerðir gegn markaðssvikum nr. 60/2021.

Viðskipti fé­lags­ins með eigin hluti á grund­velli end­ur­kaupa­áætl­un­ar­innar verða til­kynnt eigi síðar en við lok sjö­unda viðskipta­dags eftir að viðskiptin fara fram.

Sýn hf. á 20.750.000 hluti, eða sem nemur um 7,00% af út­gefnu hlutafé áður en end­ur­kaup sam­kvæmt end­ur­kaupa­áætl­un­inni hefjast.

Nánari upplýsingar veita fjárfestatengsl Sýnar í gegnum netfangið fjarfestatengsl@syn.is