Framboðsfrestur til stjórnar Kviku banka hf. rann út þann 16. apríl 2021. Eftirtaldir einstaklingar gáfu kost á sér til setu í stjórn á aðalfundi félagsins, sem haldinn verður kl. 16:00 þann 21. apríl á Hilton Reykjavík Nordica, 2. hæð, Suðurlandsbraut 2, 108 Reykjavík, auk þess sem boðið er upp á fullgilda rafræna þátttöku í gegnum Lumi AGM:

Í framboði til stjórnar:

• Sigurður Hannesson
• Guðmundur Þórðarson
• Guðjón Reynisson
• Helga Kristín Auðunsdóttir
• Kristín Friðgeirsdóttir

Í framboði sem varamenn í stjórn:

• Inga Björg Hjaltadóttir
• Sigurgeir Guðlaugsson

Er það mat stjórnar að öll framboð séu gild, sbr. 63. gr. a. laga um hlutafélög nr. 2/1995. Samkvæmt samþykktum félagsins skal stjórn skipuð fimm mönnum og tveimur varamönnum. Þar sem fleiri framboð bárust ekki til stjórnar og varastjórnar eru frambjóðendur sjálfkjörnir.

Athygli er vakin á því að hluthafar eða umboðsmenn þeirra sem hafa hug á því að sækja fundinn, hvort sem er rafrænt eða á staðnum, eru beðnir um að skrá sig á vefsíðunni www.smartagm.com eigi síðar en kl. 16.00 þann 20. apríl, eða degi fyrir fundardag. Með innskráningu þarf að fylgja mynd af gildum skilríkjum og umboð, ef við á.  Atkvæðagreiðsla á fundinum mun alfarið fara fram í gegnum Lumi AGM, hvort sem hluthafar mæta til fundarins á Hilton Reykjavík eða taka þátt í rafrænni skráningu. Nánari upplýsingar um frambjóðendur og aðrar upplýsingar um framkvæmd aðalfundar eru aðgengilegar hér: https://www.kvika.is/fjarfestaupplysingar/hluthafafundir/.